Oprichten Durpsraad ‘Sommerdiek’

Ruum tweehonderd bezoekers (m/v) tekenden de liesten (aolemaele tegen) en van de aanwezige kaoplui bleek er geeneen naer Menheerse te willen. Dus ‘t is helder: d’r komt geen martvolksverhuzieng. Aok de schutters van Rethorica hawe een flinke duit, in heulies geval natuurlijk gouden florijnen, in het zakje gedaen. Ze ha raadsleden en fractievoorzitters benaderd en ‘t wordt steeds duidelijker: de markt bluuft in Sommelsdijk. Lae ze mar walte (d’r gang laten gaan), die schutters en mannetjesputters van Sommerdiek. Net als die uut Rotterdam.

An een paer plaeselijke bakkers is gevroge om op de Holle Bolle Dag te staan met bijvoorbeeld oliebollen of krentenbollen. Liever geen holle oliebollen. Zaalf hawe’k al een kraam besproke om aerpels en juun te verkaopen. Ik kom ‘r nie van los! Van die aerpels. ‘K ga nie zaalf meer slepe mi kisten van 20 of 25 kilo. Daer ha’k twee broers voor nodig. Den ouwsten en de joengsten uut één gezin. Die kriege dan ouwerwesse petten op. Binne ze van joengsofan al gewaand. Toen droege ze kleine petjes. We staen tussen de ouwe ambachten. Ze wege dus of mit één of twee basculesen.

Zaalf zit ‘k an de kraem voor de administraosje van te bestellen gele T-shirts van KCM (Kievit Copy en Multimedia). Geel mit op de rik in donkerblauw geschreve: Hai sai Sommerdieker. Vertaeld in Oud-Flakkees: Ik binne een Sommerdieker!

De ideetjes en plannetjes borrele op as uut een Fontein. ‘t Is een Gaeve.

Naedere berichten volge in deze krante.

Ingezonden brieven zijn welkom op het redactieadres. Het al of niet plaatsen van een ingezonden artikel is ter beoordeling van de redactie. Uitsluitend artikelen voorzien van naam en adres komen voor plaatsing in aanmerking. Plaatsing betekent niet automatisch dat de redactie het met het geschrevene eens is.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen