Schrammetje Sohriyfes

„Pendele"

„Pendele" betekent — zo as je wel zult wete — 't heen in weer reizen van personen, die in d'r eige plekke waer ze weune, geen werk hawe. Onder pendelaars begriepe m'n dan meestal die maensen, die buten Flakkee wer'ke in lederen dag heen in weer over de brugge motte. Die paer honderd man, die voorheen an de grote bouwput an 't wer'k wazze, noemde ze oak pendelaers, mar dat is noe al un tiedje ofgeloape. 'n Ene zou je dan korte, in 't oare lange ofstandspendel kunne noeme. Deurdat m'n de brugge over 't Haeringvliet gekregen hawe, is 't voor de mensen die in Rotterdam op werven, op un fabriek of in un veem (opof overslagplekke van goederen) wer'ke, eigenluk geeneens zo'n ende, 30 a 40 kielometer is dan al veul. In naer Koni in Oud Beijerland of naer de rubberfabriek in Hellevoet is 't nog duchterbie, al motte de werkers vroeg op, in binne ze laete thuus. Uut Braebant in diep uut Zeeland is 't veul vaerder! Dat endje pendele binne de Flakkeeërs zo zachtjesaan al un beetje gewend. Iedere weke un goed loonzakje in eens in 't jaer nog 's un ekstraatje uut de winst maekt oales weer goed. Geen wer'k, da's erger!

Van Flakkee uut reize d'r lederen dag zo'n 12 a 1300 man heen in weer. Dat is zo ongeveer 't zelfde aantal, as op oare jaeren. De werk'loosheid, die elders in 't land heerst, heit t' er geen invloed op, Da's gelokkig. Bovendien is 't zó, datter nog zat vraeg is. De vraeg naer werkers rond Flakkee, is groter dan 't anbod. De Rotterdamse Droagdok kan nog wel duuzend man gebruke — da's geen praetje mar waer! In zó binne d'r misschien nog wel meer. In haevenbedrieven kunne ze oak nog zat mensen gebruke. Flakkeeërs hawe ze graeg!

Binne d'r dan geen werk'lozen op Flakkee? Nou dat valt erg mee. Ik hawe daer m'n licht us over opgestoke, d'r binne d'r zo wat zeuven honderd bie makaore. Op oare jaeren is dat rond nieuwjaer (dan is t'r oaltied minder werk) zo wat drie honderd a vierhonderd vuuftig. Dus un paer honderd meer. In die zoue, azze ze dat woue, direkt an 't werrek kunne in de pendel. Mar ze kennen die maensen d'r niet toe verplichte. As 't un ure of langer reizen is naer 't werk, binne ze d'r vrie in, of ze 't wille doeë of niet. D'r is nog vraeg genogt, dat wèl, mar daer kunnen bepaelde redenen weze, dat ze niet gaen pendele, bevoorbeeld: binnenkort werk in 't zicht dat je anders misloapt, of huselukke omstandigheden, ik kan daer niet over oordele.

An de hand van de genoemde ciefers mot Schrammetje toch konstatere, dat 't meevaolt in datter op Flakkee eigenluk weinig of geen werk'loosheid is. Flakkee is dus wel un tegenhanger van de oalgemene werkloosheid in ons land. 't Erbeidsburoo in Menheerse, kan meer maensen kwiet, dan datter angebóje worre.

Ik zat daer van de weke zo us over te dienken; ik docht, daer mot ik 's over schrieve. In de kranten lees je iederen dag zoveul bedankt hier in zoveul daer, d'n domper staet t' er op, in je kriegt d'n indruk, dat zal op Flakkee oak wel zo weze. Mar 't lelt hier wel un beetje oares, dan b.v. in 't Noorden van 't land. Je leeft tegenwoordig in un papiere waereld, ze schrieve oales op, in die ciefers liege niet.

Dat wil dus oak zegge, dat het gemiddelde inkommen van de wer'kende stand op Flakkee, nog niet veul minder is geworre dan op oare jaeren. Dat magge de wienkeliers, die in 't Eilanden-nieuws advertere, oak wel us wete! Dat is un rieme onder 't harte! Want as 't er nog un goed inkomen is, wordt de koapkracht niet verminderd. In dat is al veul waerd. Niet alleen voor de wienkeliers, mar oak voor Schrammetje de messelaer, in voor de andere bouwvakkers. M'n kunne d'r blieë mee weze.

Schrammetje.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen